ភ្នំពេញ៖ នាយករដ្ឋមន្ត្រីកម្ពុជា សម្ដេចតេជោ ហ៊ុន សែន បានលើកឡើងថា ផ្លាស្ទិកមិនគួរកើតមាននៅគ្រប់កន្លែងណាទាំងអស់ទាំងក្នុងសមុទ្រ ទន្លេ បឹងបួរ និងព្រៃឈើនោះ។ សម្ដេចថាបញ្ហាផ្លាស្ទិកកំពុងចោទជាបញ្ហានៅទូទាំងពិភពលោក ជាពិសេសវាបានហួរនាំទៅដល់សមុទ្រថែមទៀត។

ថ្លែងក្នុងទិវាជាតិទីក្រុងស្អាតលើកទី១១ នៅរសៀលថ្ងៃទី២៧ ខែកុម្ភៈ ឆ្នាំ២០២៣ នេះនៅរាជធានីភ្នំពេញ សម្ដេចតេជោ ហ៊ុន សែន បានថ្លែងថាខណៈពេលដែលពិភពកំពុងធ្វើការការពារកុំឱ្យមានផ្លាស្ទីកក្នុងសមុទ្រ កម្ពុជាបានប្ដេជ្ញាមិនឱ្យមានផ្លាស្ទិកក្នុងទន្លេ បឹងបួរ និងព្រៃឈើនោះទេ ដែលជាជំហានមុនគេ។

សម្ដេចតេជោថា៖ «ផ្លាស្ទិកមិនគួរកើតមានក្នុងសមុទ្ទ ទន្លេរ ព្រៃបឹងបួរនោះទេ»។

សម្ដេចតេជោ បានជំរុញឱ្យមានកិច្ចសហការជាមួយគ្នាលើភាពជាដៃគូរក្នុងការកាត់បន្ថយបញ្ហាប្រឈម និងដោះស្រាយបញ្ហាផ្លាស្ទីកទាំងនេះ៕